چتین سینا قلاردان چیخیب قانلی دؤیوشلر گؤرموشم

حادثه لر تاپداغیندا عؤمور بویو تاپدانمیشام

اوره ک یاغین اریتمیشم، قارانلیغی سؤکمک او چون

بیر زینه گؤز چیراغ کیمی یئلده - کولکده یانمامیشام.

گؤز آچمیشام درد گؤو موشم،

اؤز آنامین امجه گیندن سود یئرینه درد اممیشم

قارا زامان دئییر مانی دیشلری نین آلتیندا من

بیردن کیمی دار تینمیشام، سونرا سی شاعیر اولموشام.

                                                                     عبدا...مرادی

ایسته رم غملی وطوفانلی گئجه یولچولارا

بیر فانوس تک یادا قطب اولوزو تک

رهبر اولام

ایسته رم یای گونو چؤللرده آخار

بیر سو اولوب

دوم - دورو گؤز یاشی تک

یولدا چوخور ایچره دولام

ایسته مم نقش ونگاریم قالا

شعریم اوخونا

ایسته رم بیر سیزی حسرت تک

اورکلرده قالام

اونو دورسا منی ائل

چکمه سه تاریخ آدیمی

ایسته رم آی تکی

یورد اوسته

گئجه بیر شوق سالام

                               حبیب ساهر

 وطن ساری گئدن یوللار

سئوینر قیزلار، اوغوللار

بیر گون سیزدن کئچه بیلسم.

 گولر عؤمرون آیی، گونو

تبریزده ووصال کوچونو

ابدی لیک آچا بیلسم.

 شادلیغیم توتار هر یئری

دنه دولان سونبوللری

اؤز الیمه بیچه بیلسم.

 سئوینیر قوشلاردا بئله

قوشلار کیمی دوغما ائله

قانادلانیب اوچا بیلسم.

 نغمه - نغمه دنیزم من

تبریزین بوز چشمه سیندن

اووچ- اووچ ایچه بیلسم.

وطن ساری گئدن یوللار

سئوینر قیزلار اوغوللار

بیر گون سیزدن کئچه بیلسم .

بیر گون سیزدن کئچه بیلسم... .

                                           مدینه گلگون

رادیولار،غازیته لر،

(( انسانیت غالب گلدی ))

دئیه - بوتون اؤلکه لره،

چوو سالدیلار.

((آزادلی دان، حرییت دن،

((بشریت حقوقوندان))،

سیجیرلاما - سیجیرلاما،

سؤزدئدیلر،

اگری دوروب، دوز دئدیلر.

بیز دوشوندوک.

خوب.

اینسانیق

بورونوموزوار،

آغزیمیز وار،

دانیشماغا دیلیمیز وار.

ایشله مگه الیمیز وار.

دولانماغا یئریمیز وار.

یاشاماغا یوردومیز وار.

هوسلندیک.

ایسته دیک کی،

آتا - بابا یئریمیزده،

ایش - ایشله یک ، اکین - اکک،

اؤزوموزه یووا تیکک.

داغیمیزی ،داشیمیزی،

سؤکک- چاپاق .

سوچیخاراق، معدن تاپاق.

کؤرپه لره مکتب آچاق.

یازاق، پوزاق.

لاکین بیزی آنمادیلار.

الیمیز،

آغزیمیزی،

دیلیمیزی نیشان وئردیک.

بیزی اینسان سامادیلار!

آجیقلاندیق.

سیلاحلاندیق.

((دییرمانین سویون سودوق))

اؤلکه میزدن یادی قوودوق.

دونیا دئدی:

حق بیزله دیر

اوز ائوینین قیبله سینی،

یاخشی بیلر هر کس اؤزو.

حقین اؤزو، سؤزون دوزو.

گؤی گورلادی

دولو یاغدی

یئرترپندی

توفان اولدو

دومان قوپدو

گون توتولدو

اؤلکه میزه، دوشمن دولدو.

دونن ائودن قوودوغوموز

قانی قاچیق

بالدیر آچیق

اؤلومجیلی، باخدیق گوردوک

تومان گئییب،

خیفتان گئییب،

قارا پولاد آتا مینیب.

آتاوینادیر

قیلینج وورور

قیلینجیندان اود یاغدیریر

((دده م کور دئییبن ))

هر گلنی، وورورسالیر

شوشه- شوشه قانین آلیر!

باخدیق-باخدیقمعطل قالدیق.

هر طرفه نظر سالدیق

- بو نه سیردیر؟

نه اوضاع دیر؟

نه عالمدیر؟

نه دونیادیر؟

دوشمن هاردان تومان تاپدی؟

قیلینج تاپدی، خیفتان تاپدی؟

او یالینجیق

او اؤلومجیل

هاردان پولاد آتا مینر